ހދ. ކުޅުދުއްފުށީގައި ހައިކޯޓުގެ ގޮތްޕެއް ހެދުމަށްޓަކައި އާރް.ޑީ.އެމް.އޯ އިމާރާތުގެ ފުރަތަމަ ފަންގިފިލާ ސުޕްރީމް ކޯޓާއި ހަވާލުކުރުމުުގެ  އެއްބަސްވުމުގައި އިއްޔެ ވަނީ މިނިސްޓްރީ އޮފް ހޯމްއެފެއާޒާއި އެކު ސޮއިކުރައްވާފައެވެ.

ފުލުހުންގެ ބެލުމުގެ ދަށަށް ގެނެެވޭ މީހުން   ބަންދުކުރާ މަރުކަޒެެއްގެ ގޮތުގައި ތ. ވޭމަންޑޫ ޕޮލިސް ސްޓޭޝަން ހަމަޖައްސަވާ އެކަން މިނިސްޓްރީ އޮފް ހޯމްއެފެއާޒުން މިއަދު  އިޢުލާންކުރައްވައިފިއެވެ.

މިއިޢުލާންގައިިވާ ގޮތުން، ޤާނޫނު ނަންބަރު 2013/13 (އެންޓި ޓޯޗަރ ޤާނޫނު) ގެ 17 ވަނަ މާއްދާގެ (ހ) ގެ ދަށުން މިކަން މިގޮތަށް ހަމަޖެއްސެވިކަމާ،  އަދި މިތަން ހިނގަމުން ގެންދާނީ މޯލްޑިވްސް ޕޮލިސް ސަރވިސްގެ ގެދަށުންކަން ބަޔާންކޮށްފައިވެއެވެ.

       ޔޫތު ލީޑާރސް ނެޓުވޯކުން މިނިސްޓަރ އޮފް އިސްލާމިކް އެފެއާޒް ޑރ. މުޙަންމަދު ޝަހީމު ޢަލީ ސަޢީދާ ބައްދަލުކުރައްވައިފިއެވެ. 2015 އޭޕްރީލް 8 ވަނަ ދުވަހު އިސްލާމިކް މިނިސްޓްރީގައި ބޭއްވި މިބައްދަލުކުރެއްވުމުގައި، އެމިނިސްޓްރީން ހިންގާ ތަފާތު ޕްރޮގްރާމްތަކުގައި ޔޫތު ލީޑާސް ނެޓްވޯކްގެ ފަރާތުން ބައިވެރިވެވިދާނެ ކަންތައްތަކާއި ބެހޭގޮތުން މަޝްވަރާކުރެވުނެވެ.

ޔޫތު ލީޑާސް ނެޓްވޯކް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް އިފްތިތާޙްކޮށްދެއްވައިފިއެވެ. ޔޫތު ލީޑާސް ނެޓްވޯކަކީ ޒުވާނުންނަކީ ޒިންމާދާރު ބަޔަކަށް ހަދައި ޒުވާނުންނަށް މަދަނީ ގޮތުން ޙަރަކާތްތެރިވެގެން އުޅުމަށް މަގުފަހިކޮށްދިނުމުގެ ގޮތުން މިނިސްޓްރީ އޮފްހޯމްއެފެއާޒްގެ ބެލެނިވެރިކަމުގެ ދަށުން އުފައްދަވާފައިވާ ނެޓްވޯކެކެވެ.

މިނިސްޓްރީ އޮފް ހޯމްއެފެއާޒުން އިސްނަގައިގެން އާންމު އިޖްތިމާޢީ މިންގަނޑުތަކާ ޚިލާފް ޢަމަލުތައް ހުއްޓުވުމުގައި، ޤާނޫނާއި ގަވާޢިދު ތަންފީޒުކުރުމުގައި ދިމާވާ ދަތިތަކާ ގުޅޭގޮތުން ކަމާގުޅޭދާއިރާތަކަށް ދިމާވެފައިވާ ގޮންޖެހުންތައް ދެނެގަތުމާ ގުޅޭ ވޯކްޝޮޕެއް ބާއްވައިފިއެވެ.