28 އޭޕްރީލް 2015
ފުލުހުންގެ ބެލުމުގެ ދަށަށް ގެނެވޭ މީހުން ބަންދުކުރާމަރުކަޒެއްގެ ގޮތުގައި ވޭމަންޑޫ ޕޮލިސްސްޓޭޝަން ހަމަޖައްސަވައި އެކަން އިޢުލާންކޮށްފި

ފުލުހުންގެ ބެލުމުގެ ދަށަށް ގެނެެވޭ މީހުން   ބަންދުކުރާ މަރުކަޒެެއްގެ ގޮތުގައި ތ. ވޭމަންޑޫ ޕޮލިސް ސްޓޭޝަން ހަމަޖައްސަވާ އެކަން މިނިސްޓްރީ އޮފް ހޯމްއެފެއާޒުން މިއަދު  އިޢުލާންކުރައްވައިފިއެވެ.

މިއިޢުލާންގައިިވާ ގޮތުން، ޤާނޫނު ނަންބަރު 2013/13 (އެންޓި ޓޯޗަރ ޤާނޫނު) ގެ 17 ވަނަ މާއްދާގެ (ހ) ގެ ދަށުން މިކަން މިގޮތަށް ހަމަޖެއްސެވިކަމާ،  އަދި މިތަން ހިނގަމުން ގެންދާނީ މޯލްޑިވްސް ޕޮލިސް ސަރވިސްގެ ގެދަށުންކަން ބަޔާންކޮށްފައިވެއެވެ.

 
13 އޭޕްރީލް 2015
ޔޫތު ލީޑަރސް ނެޓް ވޯކުން އިސްލާމިކް މިނިސްޓަރާއި ބައްދަލުކުރައްވައިފި

       ޔޫތު ލީޑާރސް ނެޓުވޯކުން މިނިސްޓަރ އޮފް އިސްލާމިކް އެފެއާޒް ޑރ. މުޙަންމަދު ޝަހީމު ޢަލީ ސަޢީދާ ބައްދަލުކުރައްވައިފިއެވެ. 2015 އޭޕްރީލް 8 ވަނަ ދުވަހު އިސްލާމިކް މިނިސްޓްރީގައި ބޭއްވި މިބައްދަލުކުރެއްވުމުގައި، އެމިނިސްޓްރީން ހިންގާ ތަފާތު ޕްރޮގްރާމްތަކުގައި ޔޫތު ލީޑާސް ނެޓްވޯކްގެ ފަރާތުން ބައިވެރިވެވިދާނެ ކަންތައްތަކާއި ބެހޭގޮތުން މަޝްވަރާކުރެވުނެވެ.

 
12 މާރޗް 2015
ޔޫތު ލީޑާސް ނެޓްވޯކް އިފްތިތާޙްކޮށްފި

ޔޫތު ލީޑާސް ނެޓްވޯކް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް އިފްތިތާޙްކޮށްދެއްވައިފިއެވެ. ޔޫތު ލީޑާސް ނެޓްވޯކަކީ ޒުވާނުންނަކީ ޒިންމާދާރު ބަޔަކަށް ހަދައި ޒުވާނުންނަށް މަދަނީ ގޮތުން ޙަރަކާތްތެރިވެގެން އުޅުމަށް މަގުފަހިކޮށްދިނުމުގެ ގޮތުން މިނިސްޓްރީ އޮފްހޯމްއެފެއާޒްގެ ބެލެނިވެރިކަމުގެ ދަށުން އުފައްދަވާފައިވާ ނެޓްވޯކެކެވެ.

 
08 މާރޗް 2015
އާންމު އިޖްތިމާޢީ މިންގަނޑުތަކާ ޚިލާފް ޢަމަލުތައް ހުއްޓުވުމުގައި ކަމާގުޅޭދާއިރާތަކަށް ދިމާވެފައިވާ ގޮންޖެހުންތައް ދެނެގަތުމާ ގުޅޭ ވޯކްޝޮޕެއް ބާއްވައިފި

މިނިސްޓްރީ އޮފް ހޯމްއެފެއާޒުން އިސްނަގައިގެން އާންމު އިޖްތިމާޢީ މިންގަނޑުތަކާ ޚިލާފް ޢަމަލުތައް ހުއްޓުވުމުގައި، ޤާނޫނާއި ގަވާޢިދު ތަންފީޒުކުރުމުގައި ދިމާވާ ދަތިތަކާ ގުޅޭގޮތުން ކަމާގުޅޭދާއިރާތަކަށް ދިމާވެފައިވާ ގޮންޖެހުންތައް ދެނެގަތުމާ ގުޅޭ ވޯކްޝޮޕެއް ބާއްވައިފިއެވެ.

 
26 ފެބްރުއަރީ 2015
ހޯމް މިނިސްޓްރީގެ ފަރާތުން އެސް.އެމް.އެސް ސިސްޓަމެއް ގާއިމުކޮށްފި

މިނިސްޓްރީ އޮފް ހޯމެފެއާޒުގެ ފަރާތުން ފެބްރުއަރީ 25 ވަނަ ދުވަހުން ފެށިގެން އެސް.އެމް.އެސް ސިސްޓަމެއް ގާއިމުކޮށްފިއެވެ.  މިސިސްޓަމް ގާއިމުކުރުމުގެ ބޭނުމަކީ މިިސްޓަރ އަރިހަށް ފޮނުއްވުމަށް ބޭނުންފުޅުވާ ޚިޔާލުތަކާއި މައްސަލަތައް ވީހާވެސް ފަސޭހަކޮށް މިނިސްޓަރަށް ހުށައެޅުމުގެ ފުރުސަތު ދިވެހި ރައްޔިތުންނަށް ފޯރުކޮށްދިނުމުގެ ގޮތުންނެވެ.