23 އޯގަސްޓް 2017
ޖަމްއިއްޔާތަކުގެ ޤާނޫނާ ބެހޭގޮތުން ބައްދަލުވުމެއް ބާއްވަނީ
ޖަމްޢިއްޔާތަކުގެ ޤާނޫނު އެކުލަވާލުމުގެ މަސައްކަތް މިނިސްޓްރީ އޮފް ހޯމްއެފެއާޒުން ކުރަމުން ގެންދާތީ، ޖަމްއިއްޔާތަކާއެކު 26 އޯގަސްޓް 2017 ވާ ހޮނިހިރު ދުވަހު ބައްދަލުވުމެއް ބޭއްވުމަށް ވަނީ ހަމަޖެހިފައެވެ. މިބައްދަލުވުން އޮންނާނީ ކަސްޓަމްސް ބިލްޑިންގްގައެވެ.
 
20 އޯގަސްޓް 2017
ޔުނިސެފްގެ ރެޕްރެޒެންޓޭޓިވް ހޯމް މިނިސްޓަރގެ އަރިހަށް ވަދާއީ ޒިޔާރަތެއް ކުރައްވައިފި
ޔުނިސެފްގެ ފަރާތުން ދިވެހިރާއްޖެއަށް ކަނޑައަޅުއްވާފައި ހުންނަވާ ރެޕްރެޒެންޓޭޓިވް އެލިސް އަކުންގާ މިނިސްޓަރ އޮފް ހޯމް އެފެއާޒް އަޒްލީން އަޙްމަދުގެ އަރިހަށް މިއަދު ވަދާއީ ޒިޔާރަތެއް ކުރައްވައިފިއެވެ. މި ބައްދަލުވުން އޮތީ މިނިސްޓްރީ އޮފް ހޯމްއެފެއާޒްގައެވެ.
 
16 އޯގަސްޓް 2017
"ޒިންމާދާރު ރައްޔިތުން ބިނާކުރުން" މިނަމުގައި މަސައްކަތު ބައްދަލުވުމެއް ލ. އަތޮޅުގައި ފަށައިފި
ިނިސްޓްރީ އޮފް ހޯމްއެފެއާޒާއި ލ. އަތޮޅު ކައުންސިލް ގުޅިގެން "ޒިންމާދާރު ރައްޔިތުން ބިނާކުރުން" މިނަމުގައި މަސައްކަތު ބައްދަލުވުމެއް ލ. އަތޮޅު ފޮނަދޫގައި މިއަދު ފަށައިފިއެވެ. މި މަސައްކަތު ބައްދަލުވުން ޝަރަފުވެރިކޮށްދެއްވެވީ މިނިސްޓްރީ އޮފް ހޯމް އެފެއާޒްގެ ސްޓޭޓް މިނިސްޓަރ އަލްފާޟިލް ޔޫސުފް ޢަބްދުލް ޣަފޫރުއެވެ.
 
12 އޯގަސްޓް 2017
މިނިވަންދުވަހުގެ ރަސްމީ ކުޅިވަރުތައް ބޭއްވުމުގައި އެހީތެރިވެ ދެއްވި ހުރިހާ ފަރާތްތަކަށް ހޯމްމިނިސްޓްރީން ޝުކުރު އަދާކޮށްފި
މިއަހަރުގެ މިނިވަން ދުވަހުގެ މުނާސަބަތުގައި، ރަސްމީ ކުޅިވަރުތައް ބޭއްވުމުގައި އެހީތެރިވެދެއްވި ހުރިހާ ފަރާތްތަކަށް މިނިސްޓްރީ އޮފް ހޯމްއެފެއާޒުން ޝުކުރު އަދާކުރުމުގެ ގޮތުން ޙަފްލާއެއް ބާއްވައިފިއެވެ. މިކަމަށްޓަކައި ރޭ ދަރުބާރުގޭގައި ބޭއްވި ހަފްލާގައި އެފަރާތްތަކަށް ޝުކުރުއަދާކޮށް ހަނދާނީ ލިޔުންދެއްވީ މިނިސްޓަރ އޮފް ހޯމްއެފެއާޒް އަޒްލީން އަޙްމަދާއި އަދި އޮފީހުގެ އިސްވެރީންނެވެ.
 
07 އޯގަސްޓް 2017
ހޯމް މިނިސްޓަރ، ށ. ފޭދޫ ކައުންސިލްގެ ބޭފުޅުންނާއި ބައްދަލުކުރައްވައިފި
މިނިސްޓަރ އޮފް ހޯމްއެފެއާޒް އަދި ލޯކަލް ގަވަރމެންޓް އޮތޯރިޓީގެ ރައީސް އަޒްލީން އަޙްމަދު ށ. ފޭދޫ ކައުންސިލްގެ ބޭފުޅުންނާ ބައްދަލުކުރައްވައިފިއެވެ. ހޯމް މިނިސްޓްރީގައި ބޭއްވި މިބައްދަލުކުރެއްވުމުގައި މަޝްވަރާކުރެއްވީ އެރަށުގައި ފުލުހުންގެ ޚިދްމަތް ޤާއިމުކުރުމާއި، އަމާން މާހައުލެއް ގާއިމްކުރުމާއި ގުޅޭގޮތުންނެވެ.